HIZI NI SABABU ZILIZO FANYA KANYE WEST KUANGUKA GHAFLA MPAKA KUKIMBIZWA HOSPITALI

MAREKANI: Rapper maarufu nchini Marekani aliyewahi kutangaza nia ya kugombea urais wa nchi hiyo mwaka 2020, Kanye West, jana Jumatatu Novemba 21 alilazwa katika hospitali moja iliyoko jijini Los Angeles baada ya kuugua ghafla. 

Tatizo hilo limetokea ikiwa ni siku chache baada ya kukatisha show zilizokuwa zimesalia za ziara yake ya Saint Pablo kutokana na kukabiliwa na...

uchovu.

Vyanzo vya taarifa hiyo kikiwemo, TMZ na FoxNews.com, na NBC News, Kanye alipelekwa hospitalini baada ya polisi kupigiwa simu nyingi za dharura na watu mbalimbali wakieleza haliya staa huyo, ndipo wakafika kumchukua na kumpeleka hospitali.

West amegonga headlines kwa kauli tata alizozitoa wakati wa show zake mbili zilizopita ikiwemo kuwatukana Jay Z na Beyonce, Hillary Clinton, Mark Zuckerberg, radio na MTV huku akimfagilia Donald Trump wakati akimalizia shoo iliyopewa jina la Sacramento na kusema maneno haya “would have voted for Donald Trump”.

Msemaji wa West ameeleza jana kuwa,  wamesitisha shoo zote zilizokuwa zimesalia licha ya kutotaja sababu ya kufanya hivyo. West atapata hasara ya zaidi ya dola milioni 10 kutokana na kukatisha shoo hizo.

Ziara hiyo kwa sasa itamalizikia California  Desemba. 31, na hakuna shoo nyingine itakayoendelea kuhusu ziara hiyo. Dallas, Denver, Atlanta, Philadelphia, Detroit, Boston, New York City na Washington, D.C. ni baadhi ya sehemu zilizokuwa zimepangwa kufanyika shoo na gharama za tiketi zitarudishwa kwa waliokwisha nunua.

Familia yake ipo kwenye wakati mgumu kwa sasa. Mwezi uliopita, mkewe Kim Kardashian, alivamiwa kwa mtutu wa bunduki na kuporwa mali huko Paris, Ufaransa.