COUTINHO ATAJWA KUWA CHANZO DILI LA DYBALA KWENDA BARCA KUKWAMA

Kama ulikuwa ufahamu klabu ya Barcelona ilimkataa kufanya usajili wa Paulo Dybala mara mbili chanzo kikiwa ni Philippe Coutinho, Kwa mujibu wa ripoti kutoka nchini Hispania zinasema Juventus walikuwa tayari kufanya biashara ya euro milioni 120 na Barcelona kwa kumuuza Dybala lakini...
wacatalunya hao walipendelea zaidi kumpata Coutinho.

Barca walikataa mara mbili nafasi ya kumsajili Dybala licha ya Juventus kuwa tayari kufanya biashara hiyo, Imeripotiwa kuwa makamu wa raisi wa Barca alikutana na kaka yake Dybala na mwakilishi  mwingine tarehe 17 Agosti 2017 huku mtendaji wa Juventus akihusishwa kwenye kikao kupitia “Conference Call”, Barca walitaarifiwa kuwa Dybala anataka kujiunga Barcelona.

Ada ya uhamisho ilikuwa ni euro milioni 120, Juventus wakisema kuwa watafurahi kama watafikia makubaliano Wakati huo Barca walikuwa hawajamsajili Ousmane Dembele huku wakiwa na euro milioni 222 baada ya kumuuza Neymar PSG.

Hata hivyo mkurugenzi wa michezo wa Barca Robert Fernandez alizuia uhamisho huo akiona kuwa Dybala hawezi kucheza sambamba na Leo Messi hivyo nguvu zao wakaelekeza kwa kiungo mshambuliaji wa Liverpool Philipe Coutinho hata hivyo hawakufanikiwa kumpata mchezaji huyo.