NIKKI WA PILI: JOKATE AMEFUNGUA MILANGO KWETU

Msanii Niki wa pili ambaye ni moja ya watu wanaounda kundi na kampuni ya Weusi amefunguka na kusema kuwa Msanii Jokate Mwogelo amefungua njia kwa wasanii na wajasiriamali wapya kama wao katika kufanya biashara na kuzidi kutanua wigo wa biashara yao hususani ya Fashion katika...
maonesho ya kitaifa ya biashara almaarufu kama Sabasaba.

Niki wa Pili alisema hayo alipohojiwa na kituo cha Radio cha East Africa Radio. "Kwa sisi kama Weusi kiukweli hatukujiandaa kwa maonyesho ya sabasaba, halafu pia unajua sabasaba inahitaji uwe na mzigo mkubwa na sisi safari hii hatukuwa na mzigo mkubwa kihivyo na kitu kingine kilitukwamisha kwani mtu ambaye huwa anatufanyia kazi zetu ofisi yake alikuwa ameisimamisha lakini mbali na hilo tulikuwa hatujui namna ya kuweza kupata banda katika maonyesho hayo."
 
"Lakini kila jambo lina mwanzo tunashukuru Kidoti amefungua mlango kwa sisi wajasiriamali wapya tunaoibukia katika mambo ya Fashion nafikiri mwaka ujao tutajiandaa mapema na kulifanyia kazi na kuitumia hiyo fursa kufanya biashara hiyo, katika plan zetu mwaka huu kiukweli hili suala halikuwepo ila mipango ya mwakani itabidi tuliangalie hili suala maana ni fursa nzuri kibiashara." Aliongeza Niki wa pili.

Katika maonesho ya Sabasaba mwaka huu Jokate ndiye msanii pekee ambaye aliweza kuwa na banda la biashara katika maonesho hayo na kuweza kuuza bidhaa zake mbalimbali pamoja na kuweza kujitangaza zaidi jambo ambalo limeweza kusababisha Weusi kuiona hiyo fursa na kuihitaji kuifanyia kazi kwa mwaka ujao.