WALTER CHILAMBO: AZUNGUMZIA MASWALA YA KUFANYA COVER ZA NYIMBO

Walter Chilambo amedai kuwa kufanya cover kwa msanii kunaweza kumshusha au kumpandisha. Amedai kuwa iwapo msanii ataurudia wimbo wa msanii mwenzake na kuuimba kwa ufundi mkubwa humpandisha lakini anapouimba chini ya kiwango humshusha vile vile.

“Unapofanya cover hakikisha unafanya kitu kizuri zaidi au kinaweza kuwa sawa na kile japo si nzuri kushindanisha kwamba ya kwangu kali ya kwake...
hivi, hapana,” Walter ameiambia Bongo5.

“Mimi nimeamua kusupport, unapoamua kufanya cover, fanya si kwa mashindano , fanya kusupport original yake,” ameongeza.Amesema tangu amekuwa akifanya cover za wasanii wenzake amekuwa akipewa support ya kutosha na kwamba siku zote amekuwa akipenda kufanya cover ya nyimbo nzuri kama njia ya kukubali utunzi wa wasanii wenzake.
 
Kwa upande mwingine muimbaji huyo amesema siku zote mapokezi ya cover zake yamekuwa makubwa na kumpa moyo zaidi wa kuendelea kufanya kazi nzuri na kwamba mashabiki bado hawajamsahau.
Sikiliza cover yake mpya hapo chini ya wimbo wa Ben Pol, Moyo Mashine.