SOSY AELEZEA JINSI ALIVYO FIKIRIA KUMSHIRIKISHA BEKA KWENYE NGOMA YAKE

Msanii wa Bongo Flavour, Sosy amebainisha kuwa uwezo wake wa kusikiliza ngoma pindi anapoandika ndio huamua amshirikishe nani katika wimbo huo.

Muimbaji huyo ambaye kwa sasa anafanya vizuri na ngoma yake mpya ‘Mazoea’ ambayo amemshirikia Beka Flavour amesema sababu ya kumshirikisha hit maker huyo wa Libebe ni pendekezo la...
sikio lake aliposikiliza ngoma hiyo.

“Sikio ndio huwa linasikia huyu mtu nikimuweka hapa anaweza kafiti na ndio kilichotokea kwa Beka wakati natunga wimbo nikasema mtu ambaye atakaa hapa vizuri ni Beka na kweli amekuja kufanya kazi nzuri sana kama unavyosikia,” Sosy ameiambia Bongo5.

Alipolizwa ni msanii hupi ambaye anatarajia kumshirikisha katika ngoma zake zijazo jibu lake halikutofautiana na maelezo ya awali.

“Wapo wengi ila inatokana na wimbo ambao umekuwa umetunga, unajua unapokuwa unatengeneza wimbo ndio hisia zinakuwa zinakuja ni mtu gani ambaye anaweza akakaa hapa ila wapo wengi ambao naweza nikafanya nao” amesema.

Sosy ambaye anasimamiwa na Mubenga aliyekuwa meneja wa Ommy Dimpoz, ‘Mazoea’ ni wimbo wake wa pili baada ya Mfupa.