ROBERTO MTANGAZAJI WA REDIO ALIYE TOLEWA NA AMARULAH

MWAKA 2000 aliibuka mwanamuziki wa kike kutoka nchini Zambia, Samantha Tamania Anne Cecilia Mumba ‘Samantha Mumba’ na kuweka historia Afrika kuwa miongoni mwa wanamuziki walioteka ulimwengu wa muziki wa R&B kupitia ngoma kama Gotta Tell You.
Mtangazaji maarufu wa Redio ya QFM nchini Zambia, Robert Chindaba Banda ‘Roberto’ kwa kiasi kikubwa ameweza kubadilisha muziki wa nchini Zambia na kila mmoja nchini humo amemuweka katika levo za...
Samantha. 
Mwaka 2002 Smatha akaionesha Afrika na dunia nzima kuwa hakubahatisha baada ya kuibuka tena na Ngoma ya I’m Right Here akiwa amemshirikisha mtoto wa marehemu Bob Marley, Damian Marley ambayo ilimfanya kula sahani moja na mastaa kama Blu Cantrell, Britney Spears, Jennifer Lopez na wengine kibao. 
Wakati huo kipaji cha Samantha kiligunduliwa na meneja wa makundi makubwa ya muziki ya Boyzone na Westlife, Louis Walsh akiwa na miaka kumi na tano tu. 
 Baada ya kujipatia jina kubwa, Samantha alijiingiza kwenye filamu na kuibuka na filamu ya The Time Machine iliyomuweka kwenye ramani nyingine nakuachana na muziki.
Tangu hapo hakukuwa na msanii yeyote kutoka Zambia aliyekuwepo kwenye ramani ya muziki japokuwa mshiriki wa Shindano la Big Brother mwaka huu, Mulaza Kaira ‘Macky 2’ alijaribu kuibuka na albamu tano kama vile Legendary na Ndimupondo (2012), Too Much Influence na Zero to Hero (2013), Evolution (2014) lakini akashindwa kutambulika kimataifa zaidi ya kuishia Zambia tu na kuambulia tuzo za kwao za Zambia Music kama Wimbo Bora wa Mwaka 2015, Mama Rebecca.

Roberto Afanikiwa
Mtangazaji maarufu wa Redio ya QFM nchini Zambia, Robert Chindaba Banda ‘Roberto’ kwa kiasi kikubwa ameweza kubadilisha muziki wa nchini Zambia na kila mmoja nchini humo amemuweka katika levo za Samantha.
Roberto ambaye kiumri ana miaka 20 tu, ameweza kuiteka Afrika Mashariki na nchi za Magharibi na Kusini kupitia Ngoma ya Amarula ambayo ni habari ya mjini kwa sasa kila klabu, kila sehemu za sherehe kubwa na ndogo, kila redio na TV.
Mbali na kuanza Ngoma ya Never Let Her Go akiwa amemshirikisha staa wa muziki Zambia, Ray Signature bado Amarula imewekwa katika chati mbalimbali za TV Afrika kama vile Trace, MTV Base, Channel O na nyingine kibao.
Kwa sasa Roberto amefanya remix ya Amarula akiwa amemshirikisha staa kutoka Nigeria, Patoranking na wimbo huo pia umemfanya kuingia katika kinyang’anyiro cha Tuzo za Afrimma kama Wimbo Bora wa Mwaka akichuana na wakali wengine kama Diamond, Wizkid, Sauti Sol na wengine kibao.