LUPITA NYONGO AITENDEA HAKI MOVIE YA STAR WARS

Kufuatia ripoti za kufutwa kwa baadhi ya vipande alivyoigiza staa wa maigizo Lupita Nyon'go ndani ya Star Wars, muongozaji wa filamu hiyo JJ Abrams, ameibuka na kukanusha taarifa hizo na kueleza kuwa, kazi aliyofanya mwanadada huyo ni ya aina yake.

Abrams amesema kuwa, Lupita ambaye anaigiza kama Maz Kanata katika filamu hiyo, ameipatia uhai nafasi yake akikiri kujaribu namna mbalimbali za uhusika huo, mpaka kupatikana kwa...
mtindo ambao nafasi na filamu hiyo ilihitaji, akieleza kuwa na hamu kubwa ya kuonyesha kwa watu kile alichokifanya katika kazi hiyo.

Tetesi za nafasi ya Lupita kuondolewa katika kazi hiyo ambazo zimeathiri kwa kiasi kikubwa jina lake, zilinukuliwa kutoka jarida maarufu huko Uingereza, ufafanuzi aliotoa muongozaji wa kazi hiyo sasa ikitarajiwa kurejesha heshima na imani kwa mwigizaji huyo wa kimataifa mwenye asili ya Kenya.