DJ FETTY ATOA TAMKO KUHUSU KURUDI CLOUDS FM

Ijumaa ya November 20 ilikuwa ni siku ya furaha kwa wasikilizaji wengi wa Clouds Fm hasa wa kipindi cha burudani XXL, baada ya kupata surprise ya kumsikia tena mtangazaji maarufu na anayependwa Fatma Hassan maarufu kama DJ Fetty kwenye kipindi hicho, ikiwa ni miezi miwili imepita toka alipotangaza kuacha kazi ya utangazaji September 15 mwaka huu.

Wengi wao walicomment kwenye akaunti zake za mitandao ya kijamii kuelezea furaha yao, na kwasababu hakusema kama amerudi rasmi... kutangaza au laa, wengine waliamini kuwa mtangazaji wao amerudi.

Bongo5 ilimtafuta Fetty kutaka kufahamu kama ni kweli amerudi Clouds na ataendelea na kazi ya utangazaji, na jibu lake lilikuwa “Sijarudi”..

Na kuhusu sababu ya kusikika kwenye XXL ya Ijumaa November 20 alijibu;

“Baada ya kuona kwenye acc ya insta yangu, they want to hear me so badly so nika wa surprise tu hivyo. But Sipo clouds” alisema Fetty.