RAYVANNY AWA MSANII WA KWANZA TANZANIA KUPATA TUZO YA YOUTUBE

Msanii wa muziki wa kizazi kipya kutoka Tanzania, Raymond Shaban Mwakyusa a.k.a Rayvanny amepewa heshima ya tuzo na mtandao wa YouTube kwa kigezo cha idadi ya waliosubcribe na idadi kubwa ya wanaoitembelea channel yake ya YouTube kutazama kazi zake.

Akizungumza, Rayvanny amesema kuwa ni furaha yake kubwa kuipokea tuzo hiyo iliyomfikia Jumanne ya tarehe 16 mwezi huu kutoka kwa kwa kampuni ya mtandao wa YouTube na kubainisha kuwa miongoni mwa vigezo vilivyotumika kwa yeye kupewa heshima hiyo ya tuzo ni...
kuonekana kuwa akaunti yake ya YouTube inatembelewa na idadi kubwa ya watu pia ni akaunti yenye idadi kubwa ya wafuasi.

“Ile tuzo wanaangalia watu ambao wanatembelea page yako pia wanaangalia Subscribers wako, sana subscribers. Ukishafika subscribers laki moja(100K) na pia kama watu wengi wanatembelea page yako wanakupa award”.

“Walituma e-mail kuwa mimi ni msanii ambaye nimefikia vigezo ya kupewa Tuzo na kwa wasanii Tanzania mimi ndo msanii wa kwanza kupata tuzo hii”Amesema Rayvanny.