DJ CHOKA KUACHIA NGOMA MPYA USIKU WA BIRTHDAY YAKE

Dj mkongwe Bongo, Dj Choka amesema project yake mpya ‘Bila Sababu’ itatoka usiku wa kusherekea kumbukumbu yake ya kuzaliwa, September 19, Ujio wa project hii ni baada ya ukimya wa muda mrefu ambao ameeleza umesababishwa na kuugua baada ya kufanya vizuri na project tatu za awali.

Akizungumza na Daladala Beats ya Magic Fm Dj Choka amesema ngoma hiyo ambayo amefanya Izzo Bizzness itatoka usiku wa leo ifikapo saa sita usiku na baada ya hapo...
atawafahamisha mashabiki wake wapi itakapopatikana, kufanya media tour, utaratibu wa video na mengineyo.

Katika hatua nyingine Dj huyo ameeweka wazi mipango yake ya kazi itakavyokwenda kwa sasa.
“Kingine mashabiki inabidi wanivumilie tu kwa sababu sasa hivi naangali wale wasanii wapya wanaokuja, kwa hiyo nitakuwa naweka wale wakongwe na wapya, nitakuwa nachanganya,” amesema Dj Choka.

Dj Choka amekuwa akifanya project za kuwakutanisha wasanii mbali mbali katika ngoma moja ambapo alianza na ngoma ‘Pamoja We Can’ ambayo ilikutanisha wasanii kama Leo, Mabeste, Baghdad, Cyrill, Shetta, Noorah, Young Dee, Stereo na Dedd, kisha ‘Press Play’ ambayo alikuwepo M rap, Gosby, Vannesa Mdee, Mabeste na Deddy, na mwisho akatoa ‘Nitalala Uzeeni’ iliyowakutanisha Young Lunya, Country Boy, Climax Bibo na Bgwaya.