HII NDIYO ADHABU AMBAYO MBWANA SAMATTA HUPEWA NA BABA YAKE KILA AKOSAPO PENATI

Kutoka kushoto ni Ally Samatta Pazi ambaye ni baba mzazi wa Mbwana Samatta

“Penati kuna misingi mitano ambayo unatakiwa uzingatie namna ya kupiga penati hiyo hata iweje huwezi kukosa penati, kwanza uweke ule mpira mwenye usiwekewe na mtu, unaporudi nyuma kwa ajili ya kupiga usirudi zaidi ya hatua nne ukirudi zaidi ya hatua nne unakosa”

Kwa hawa wawili (Mbwana na Mohamed) hakuna isipokuwa wanapata adhabu ya uwanjani penati wakikosa wananipa...
Tsh 2000 kwa maana niliwafundisha namna ya kupiga penati, sasa wakicheza Ndondo huko lakini wakicheza game kubwa wakikosa wanatoa Tsh 5000 ndio adhabu ilikuwa”
 
“Mbwana Samatta alikosa penati moja Msumbiji alikwepa kwepa kupiga lakini ikatokea Mbwana lazima upige penati ya tisa akapiga akakosa ikabidi anipe Tsh 5000 yangu, alivyorudi kutoka Msumbiji tu mzee lete hapa”

“Unaanza kuchagua upande mimi napiga upande gani kushoto au kulia hata kama unamuona kipa amekaa upande ule unaotaka kupiga piga pale pale ulipochagua halafu unalenga mstari wa goli usipeleke mpira juu kwa sababu kipa mikono yake ipo juu, sharti jingine mpira upige kwa kasi ya 50 au 60Km/hr usiupige taratibu”