MADEE: VIATU VYA MB DOG VILIKUWA VINANUKA

Msanii Madee Seneda ametoa siri ambayo wengi walikuwa hawaifahamu, jinsi producer Majani alivyowakatalia kurekodi wimbo wa Mb Dog wa Latifa, kutokana na kunuka kwa viatu vya Mb Dog. Akiongea kwenye Planet Bongo ya East Africa Radio, Madee amesema siku hiyo walikwenda studio kumpeleka MB Dog kurekodi, lakini walipofika studio...
na kuvua viatu, viliharibu hali ya hewa kutokana na harufu kali.

“Tumeenda kwa mara ya kwanza nimempeleka Mb Dog, mi kipindi hiko nishafanya kazi yake Mola kwa hiyo P funk ananielewa vizuri, kufika getini katufumgulia Kajala, sasa kipindi hicho Mb Dog bado yupo rafu sana havai vizuri, tumeingia studio lakini ratiba anaijua Majani kwamba leo hawa machizi wanafanya ngoma, Mb Dog si kavua viatu bwana, ile harufu ambayo ilikuwa inatokea studio, Majani akamind bwana, akawaka utadhani kimetokea sijui kitu gani huwezi amini hatukurekodi siku hiyo, ilibidi Mb Dog atolewe nje tuanze kuoshana oshana miguu, lakini bado mchizi ikawa tayari kashajitoa kwenye mood hatujarekodi”, alisema Madee.

Madee aliendelea kusema kwamba baada ya tukio hilo Majani aliwataka waende siku nyingine, wakiwa wamevaa ndala ili tukio kama hilo lisijitokeze tena, na wakatekeleza ndipo wakarekodi Latifa.

Msanii MB Dog