YOUNG DEE ASITISHA KUTOA WIMBO MPYA LEO KISA PICHA CHAFU

Uongozi wa label ya King Cash unaomsimamia rapa Young Dee, umesitisha kuachia wimbo mpya kama ulivyoahidi wiki mbili zilizopita kwa madai ya kupinga kauli ambazo zipo kwenye mitandao ya kijamii kwamba picha hizo zilisambazwa ili waachie kazi mpya.

Jumatano hii uongozi huo ulimfikisha Amber Lulu kituo cha polisi cha Urafiki Ubungo jijini Dar es salaam ili kutoa maelezo ya kwanini aliamua kusambaza picha hizo wakati...
anajua ni kinyume na makubalino.

Akiongea na Bongo5 Alhamisi hii, meneja wa King Cash, King Maarifa amesema wameamua kusitisha kuachia wimbo mpya ili kumaliza kelele ambazo zinazagaa kwenye mitandao ya kijamii kwamba msanii wake huyo alitengeneza kiki ili kuachi kazi mpya.

“Leo tulikuwa tuachie wimbo mpya kama ambavyo tuliahidi lakini natangaza kwamba tumesitisha kuachia wimbo mpya kwa sababu ya haya mambo ambao yanaendelea mitandaoni. Sisi sio watu wa kiki, muziki wetu unatosha kuweza kutufanya muziki kuwa juu na sio mambo ya kiki,” alisema King Maarifa.
 

Ujumbe ambao aliuandika mtandaoni bosi wa label hiyo.

Aliongeza, “Kwahiyo bado hatujapanga kutaachia kazi mpya, bado Bongo Bahati Mbaya inafanya poa kila siku kwahiyo tuna nafasi ya kuendelea kusubiri hata baada ya miezi mitatu ili upepo utulie au siku yoyote mambo yakikaa sawa tutatoa lakini sio leo,”
Pia meneja huyo amewataka mashabiki wa muziki wa Young Dee kuendelea kumuamini rapa huyo huku akiwaahidi mambo mazuri hivi karibuni.