BELLE 9: ALBUM YA VITAMIN MUSIC ITAVUNJA REKODI YA MICHAEL JACKSON

Msanii wa muziki wa R&B kutoka Morogoro, Belle 9 amesema albamu yake mpya ‘Vitamin Music’ itavunja rekodi mbalimbali za dunia. Muimbaji huyo amedai albamu hiyo itavunja rekodi zilizoachwa na manguli wa muziki duniani, Michael Jackson na Bob Marley.

“Albam yangu ya Vitamin Music itakuwa ni albam ya tofauti, itakuwa na vitu vingi fantastic, itakuwa na jumbe tofauti tofauti, kutakuwa na mada tofauti tofauti za mapenzi, maisha, hustling na pia ‘angle’ nyingi ambazo...
wasanii wengi duniani hawazigusi, kama nilivyosema vitamin music, nadhani hata Michael Jackson, Bob Marley hawajawahi kufikiria katika level hiyo,” Belle alikiambia kipindi cha Planet Bongo cha EA Radio.

Aliongeza, “Kwangu mimi albam ni kitu ambacho nakifanya, ni kitu ambacho napenda kufanya kwa sababu mi naishi kwenye muziki, kila siku nakuwa studio, nikipata nafasi narekodi vitu tofauti, na mtu ili apate nafasi ya kunisikiliza lazima apate albam yangu,”

Kwa sasa muimbaji huyo anafanya vizuri na video ya remix ya wimbo wake ‘Burger Movie Selfie’ aliyowashirikisha Jux, Izzo Bizness, G Nako, Maua pamoja na Mr Blue.