MBWANA SAMATTA AZIDI KUNG'ARA MICHUANO YA KUFUZU EUROPA

Mtanzania Mbwana Samatta ameendelea kung’a barani Ulaya kwa kupachika mabao baada ya jana kuifungia bao timu yake ya Genk, na kiwezesha kupata sare ugenini dhidi ya NK Lokomotiva ya Croatia.
 
Katika mchezo huo uliopigwa katika dimba la Stadion Maksimir nchini Croatia ulimalizika kwa sare ya mabao 2-2 ambapo Genk ndiyo waliokuwa wa kwanza kupata mabao yao kupitia kwa Leon Bailey dakika ya 35 na Mbwana Samatta dakika ya...
47.

Wenyeji Lokomotiva walirejea mchezoni na kusawazisha mabao yote mawili kupitia kwa Mirko Maric dakika ya 52 na Ivan Fiolic dakika ya 59.
Mchezo huo ni wa Kwanza wa mtoano kuwania kufuzu hatua ya makundi ya michuano ya Ligi ya Ulaya (Europa League).
Mchezo wa marudiano utapigwa Alhamis ijayo nyumbani kwa Genk ambapo inahitaji ushindi wa aina yoyote au sare isiyozidi bao 1-1 ili iweze kufuzu hatua ya makundi ya michuano hiyo.