DNA: MR. NICE NI MKALI WA WAKALI AFRIKA MASHARIKI

'Rapa' DNA kutoka nchini Kenya amefunguka kile ambacho watu wengi wanakitilia mashaka, kuhusu msanii wa muziki wa kizazi kipya Lucas Mkenda, au Mr. Nice na uwezo wake kwa sasa kwenye game.

Akizungumza kwenye The Cruise, DNA amesema Mr. Nice ni msanii mkali kwa Afrika Mashariki, kwani amefanya...
vitu vingi vikubwa, na pia ni sawa na legend kwenye game.

"Nice ni mkali wa wakali, Nice ni mnoma, yani kwa historia ya muziki wa kizazi kipya Afrika Mashariki, Nice yupo huko juu, amefanya vitu ambavyo havijafanywa na watu wengi na kina Chameleone na ma'legend, Nice is up there, kina Nice tumewakuta wakati bado tunahustle street tukiuza simu, Nice alikuwa ameshavuma, Nice yuko na Talent sana", alisema DNA.

DNA ameendelea kusema kuwa iwapo msanii huyo akipata uongozi mzuri anaweza kurudi kwenye game, kwani bado ngoma zake zinafanya poa nchi za Afrika Mashariki na kwamba cha muhimu ni kumpa 'sapoti'.

"Nice ni mtu akikaa fiti anaweza piga 'come back' kwa sababu nyimbo zake za kitambo mpaka saa hizi ni kubwa hata Kenya, hata Sudan hata States hata UK, nyimbo bado ni kubwa, tumuombee na tumtakie mema, na akirudi media impe sapoti na watu wampe sapoti", alisema DNA.