BAADA YA WIMBO WA NAY KUACHILIWA NIKI MBISHI AJA NA SWALI

Ikiwa ni  miezi michache sasa imepita toka tusikie wimbo wa ‘I’ m Sorry JK’ umefungiwa na Baraza la Sanaa la Taifa (Basata) kwa kile alichosema Nikki Mbishi kuwa aliambiwa hauko kwenye maadili, ingawa Baraza la Sanaa lenyewe halikuthibitisha kuufungia wimbo huo lakini walichothibitisha ni kumuita Nikki Mbishi na kuongea nae.

Katika ngoma hiyo, Nikki alijaribu kuonesha jinsi ambavyo alikosea kuukosoa utawala wa awamu ya nne, huku akikutana na hali ngumu zaidi katika...

utawala wa awamu ya tano, ambapo anafikisha ujumbe unaomaanisha kuwa utawala wa Rais Mstaafu Jakaya Kikwete ulikuwa bora kuliko wa sasa.

Anyway, Leo kupitia ukurasa wake wa twitter baada ya kusikia kauli ya Rais wa Jamhuri ya Muungano wa Tanzania kupitia Waziri wa Habari, Sanaa, Tamaduni na Michezo Dkt. Harrison Mwakyembe kuruhusu wimbo wa Nay wa Mitego uendelee kuchezwa na pia kuusifia kuwa mzuri, Nikki ameuliza vipi kuhusu wimbo wake wa ‘I’ m Sorry JK’.

Ujumbe huo ulisome hivi.. “Vipi kuhusu “I’m Sorry JK” ? Ina maana ina maneno makali au mabaya yasiyosikilizika au niaje?”

(Kwa ufupi) Wapo ni ngoma mpya ya Nay wa Mitego ambayo inadaiwa kuwa na uchochezi na leo asubuhi  kupitia Baraza la Sanaa Taifa (BASATA) lilitoa taarifa ya kuufungia wimbo huo ‘Wapo’ wa rapa Nay wa Mitego kwa madai wimbo huyo hauna maadili.

Ikiwa ni masaa machache kupita, Waziri wa Habari, Utamaduni, Sanaa na Michezo, Dkt Harrison Mwakyembe, alidai kuwa Rais Dkt John Magufuli ameagiza kuachiwa huru kwa Nay wa Mitego. Jambo lililowashangaza wengi baada ya kauli hii kutoka kwa Rais..  ‘Nay auboreshe zaidi wimbo huo kwakuwa umegusa masuala muhimu’.

“Yaani asiondoe kitu chochote, ila aongeze kwasababu unaelezea changamoto zilizopo kwenye jamii halafu wanaitikia watu ‘wapoo”. Kwa mujibu wa Dkt Harrison Mwakyembe kwenye mkutano na waandishi wa habari mjini Dodoma leo.