STAMINA: SIWEZI KUSEMA NIMEMPORA YOUNG KILLER UONGOZI

Rappa Stamina amedai hajampokonya Young Killer 'Msodoki' menejimenti yake bali yeye mwenyewe ndiyo alimtambulisha kwa boss huyo huku akisema anamshukuru kwa hilo. Stamina ameeleza hayo kupitia kipindi cha eNewz kutoka EATV baada ya kuwepo tetesi kuwa wasanii hao wawili hawana maelewano mazuri kwa hivi sasa kwa kile kinachodaiwa kuwa chanzo ni Stamina kumpora Msodoki.

"Asilimia 75 aliyenifanya mpaka mimi nimepata menejementi ni Young Killer kwa hiyo namshukuru kwa hilo, siwezi kusema eti nimempora usimamizi 'No' kwa sababu...

walivyokuwa wanafanya kazi zao na Boss Mussa nilikuwa sijui wanafanya kwa makubaliano gani", amesema Stamina.

Pamoja na hayo, Stamina amesema hawezi kugombana na Young Killer kwa kuwa ni rafiki yake damu lakini pia ni mtu ambaye wamekuwa wakifanya mambo mbalimbali.