BABA LEVO: MIMI NAJIWEZA SITUMII GARI LA SHILOLE

Msanii wa bongo fleva nchini Baba Levo amesema yeye hana gari la Msanii Shilole kama watu wengi wanavyodhani kwamba Shilole ndiye anamsaidia usafiri wa kutumia jijini Dar es salaam. Baba Level ameweka bayana mambo yote hayo alipokuwa akifanya mahojiano katika kipindi cha E News kinachorushwa na kituo cha EATV.

''Mimi nimeanza kupanga jijini Dar es salaam mwaka 1999 kipindi ambacho Shilole alikuwa zake huko Igunga mkoani Tabora ambapo sasa mimi...
ni baba wa familia nina mke na watoto hivyo stori kama za kuambiwa natumia gari ya Shilole labda kama kuna mtu anasema hivyo ili kupata umaarufu''-Amesema Baba Levo.

''Suala la mimi kuhusishwa na mambo ya Shilole tena kuomba gari ni kunichafua na watu lazima wajue kwenye siasa nilichafuliwa vya kutosha na bado nikawashinda''-Amesisitiza Baba Levo.
Aidha msanii huyo kwa sasa ni Diwani wa kata ya Mwanga Kigoma mjini kupitia ACT Wazalendo ambapo alichaguliwa katika uchaguzi mkuu wa mwaka 2015.