NANDY AKIRI KUWA VANESSA MDEE NDIYE ROLE MODEL WAKE

Kukubali kile ambacho mwingine anacho ni moja kati ya ishara na namna fulani ambayo inaonyesha kuwa mwanadamu amekomaa kifikra na kiakili kuwa pamoja kuwa anajikubali juu ya uwezo wake lakini anaweza kumpa mwingine heshima yake inapostahiki kufanya hivyo.

Ipo wazi Msanii kumsifia msanii mwenzake hata kama hawajawahi fanya pamoja collabo ni kazi sana hasa kwa wasanii wakike.  Msanii wa muziki kutoka THT, Nandy ambaye anafanya vizuri na single ya ‘One Day‘amesema...

anavutiwa na jitihada za msanii mwenzake, Vanessa Mdee, kwa namna anavyoiwakilisha vyema Tanzania kimataifa.

Akiongea na Gazeti la Dimba wiki hii, Nandy amesema, Vanessa anajua anachokifanya kimataifa kwani licha ya kupiga mkwanja wa kutosha kupitia shoo zake lakini amekuwa balozi bora wa tasnia ya muziki wa kizazi kipya.

“Unajua mtu anapofanya vizuri ni lazima apongezwe, ukweli mimi navutiwa sana na kazi za Vanessa, amekua akifanya kazi kwa kujiamini sana na hakati tamaa, amekuwa akituwakilisha vyema kimataifa hasa sisi wasanii wa kike, kwangu huyu ni role model wangu,” alisema Nandy.

Alisema wasanii wa kike kwa sasa wamekuwa na ushindani kwenye gemu hali inayoongeza hamasa zaidi kwa wengine kutamani kuingia kwenye muziki.