PICHA ALIYO IPOST ZARI YAZUA MANENO HUKO IG

Mpenzi wa mwanamuziki Diamond Platnumz, Zari The Boss Lady amezua gumzo kwenye mtandao wa kijamii wa Instagram kufuatia picha aliyoiweka kudaiwa kuwa ameiiba (kutumia bila idhini) kutoka kwa mtu mwingine na kuitumia kwenye tangazo.

Zari ambaye anafanya matangazo ya duka la samani za ndani lililopo Dar es Salaam alitumia picha moja iliyokuwa mtandaoni na kuandika maelezo ambayo watu waliamini kuwa...
samani hizo zinapatika katika duka alilokuwa akilielezea.

Baada ya Zari kuweka picha hiyo akitangaza samani hizo, mwenye picha alikuja na kuandika maoni (comment) chini ya picha hiyo huku akimshukuru Zari kwa kutumia picha yake. Lakini Zari hakuwa amesema kama alitumia picha ya mtu.

“Thank u so much for using my picture!!” aliandika Stephanie Cohen Home ambaye anaaminika ndiye mwenye picha hiyo.

Baada ya hapo, Zari alitolea ufafanuzi madai hayo na kusema kuwa hakuiba picha ya mtu na wala hakusema kuwa samani hizo zinapatikana katika duka alilolitajata, bali alikuwa akionyesha kuwa samani kama hizo pia hapa Tanzania zinaweza kupatikana.
“The point was to say furniture like this can be found at dunabe… pics can’t be stolen as long as they at on net they can be used…. I don’t see where it says the couches or coffee table are FROM danube,” aliandika Zari kwenye picha hiyo.

Mbali na kujielezea kuwa nia yake haikuwa mbaya, watu wengi walimshambulia kwa maneno wakimponda kuhusu kutumia picha ya mtu mwingine huku wachache pekee ndio waliomuelewa.