DASHIE DAFUNGUKA ALIVYO SUMBULIWA NA RUBY WAKATI WA KUFANYA VIDEO

Msanii Dashie ambaye ameachia kazi yake mpya hivi karibuni na msanii Ruby, ameweka wazi madai ya kusumbuliwa na msanii huyo wakati wa kufanya video ya wimbo wa 'Mputa'. 

Akizungumza Dashie amesema ni kweli alipata usumbufu mkubwa kutoka kwa Ruby, lakini ilitokana na kutokuwa...
sawa kiafya.

“Kwanza nimtete kidogo, unajua Ruby wiki moja kabla ya video kushutiwa alikuwa anaumwa sana, ila hatukujua kwa sababu hakuwa muwazi, mwisho wa siku tumesumbuana sana, ila tungemuharakisha kufanya ile video asingefanya kabisa, kwa hiyo tulimpa muda na tulipofanya aliifanya vizuri tofauti na tulivyotarajia”, amesema Dashie.

Ruby amekuwa mtu anayelalamikiwa sana na wasanii wenzake wanapofanya naye kazi, kwa kuonekana kutotoa ushirikiano wa moja kwa moja bila kusumbuana.