HUYU NDIYO ALBERTO ALIYE MFANYA CR7 ATAMBULIKE KTK ULIMWENGU WA SOKA

 

Christian Ronaldo ana rafiki yake wa karibu sana wa kitambo hicho anaitwa Alberto Fantrau. Huyu jamaa enzi hizo walikuwa wanacheza timu moja ya vijana na walikuwa washkaji sana tangu utotoni. 

Siku moja walikuja maboss wa club moja ya Lisbon Ureno kutafuta mchezaji atakayeingia kwenye academy yao. Moja ya masharti waliyoyatoa ni kuwa ichezwe mechi na atakayefunga magoli...
mengi zaidi ndiye atachukuliwa kucheza kwenye academy. 

Wakaingiauwanjani kucheza, kwenye mechi hiyo timu ya Christian Ronaldo walishinda 3 -0. Goli moja alifunga Christian Ronaldo, la pili lilifungwa kwa kichwa na rafiki yake Alberto. Goli la 3 ndilo lilikuwa kivutio zaidi sababu Alberto alibakia yeye na kipa, na pembeni alikuwa anakimbia Christian Ronlado. Alberto alimpiga kipa chenga na kumzunguka na akabaki yeye na nyavu tu kwa hiyo alichotakiwa ni kuusukumia mpira wavuni tu na yeye awe mshindi, lakini kilichowashangaza wengi Alberto alimpasia Ronaldo mpira ule na akafunga goli.

Ronaldo akachukuliwa kwenye academy na mpaka sasa ni mchezaji bora zaidi duniani.  Lakini alimfuata rafiki yake kumuuliza kwanini umefanya hivyo? Jamaa akamjibu ‘’kwa sababu wewe ni bora kuliko mimi”.

Miaka kadhaa baadaye mwandishi wa habari alikwenda nyumbani kwa Alberto Fantrau na kumuuliza kama kweli hii stori ni ya kweli. Alberto alikiri ni kweli na kuongeza baada ya ile mechi ndo ulikuwa mwisho wa career yake kama mchezaji, na mpaka sasa hana ajira yoyote.

Mwandishi akashangazwa na kauli ile wakati anaona maisha aliyonayo ni mazuri, akamuuliza unasema huna ajira na una maisha mazuri, nyumba, gari na familia yako inaishi vizuri, umetoa wapi pesa hizi? Jamaa akamjibu zimetoka kwa Christian Ronaldo.

Umejifunza nini kutokana na stori hii ya kweli ya Ronadlo na rafiki yake Alberto!!?