MSANII WA KIKE AFUNGUKA NAMNA ALIVYO WAPANGA WANAUME

Msanii wa kike wa muziki wa bongo fleva ambaye ni Mkenya, Marian Queen, ameweka wazi mipango yake ya valentine kwa wapenzi wake wawili ambao wote yuko nao. 

Akizungumza kwenye Friday Night Live ya East Africa Televion, Marian ambaye pia amekiri kuwa na mahusiano na msanii wa bongo fleva Khalid Mohamed marufu kama TID, ameweka wazi mipango yake hiyo akisema...
iwapo siku hiyo ya wapendanao ikimkuta Ujerumani ambako huishi siku zote, atakuwa na mpenzi wake wa huko ambaye ni mzungu, na iwapo itamkuta akiwa Tanzania, basi atakuwa na mpenzi wake wa Kiafrika ambaye ni TID.

Wawili hao wamekuwa wakionekana pamoja mara nyingi huku wakikanusha taarifa za kuwa wapenzi wakisema ni mtu na bosi wake, na sasa msanii huyo kuamua kuweka wazi mahusiano yao kuwa ni mtu na mpenzi wake, licha ya kuwa kwenye mahusiano ya kimapenzi na mwanaume wa kizungu ambaye ndiye anayemuweka mjini.