PROF JAY APIGWA PINI KUMUONA SUGU GEREZANI

Mbunge wa jimbo la Mikumi Joseph Haule ‘Professor Jay’ amekwama kumuona Mbunge wa Mbeya Mjini  Joseph Mbilinyi ‘Sugu’ ambaye yupo maabusu.

Kwa mujibu wa taarifa iliyotolewa na Chama cha Demokrasia na Maendeleo (CHADEMA) ambayo pia inapatikana katika kurasa za mitandao ya kijamii ya Professor Jay amedai kuwa amezuiwa kuonana na Sugu na...
uongozi wa Gereza ambalo shikiliwa Sugu.

Mbunge wa jimbo la Mikumi Mhe. Joseph Haule (Professor Jay) akiwa ameambatana na Mkewe Grace Haule amefika Mbeya juzi na jana tarehe 07 Februari 2018 alienda katika Gereza la Ruanda Mbeya kwa ajili ya kuwaona Mbunge wa Mbeya Mjini Mhe. Joseph Mbilinyi “Sugu” na Katibu wa CHADEMA Kanda ya Nyasa Emmanuel Masonga ambapo alikataliwa kuwaona na uongozi wa Gereza hilo, 

Viongozi hao Sugu na Masonga wanaoshikiliwa kwa kunyimwa dhamana leo Alhamisi tarehe 08 Februari 2018 watafikishwa mahakamani kwa ajili ya muendelezo wa kesi yao ambayo wanatuhumiwa kwa kutoa maneno ya fedheha.

Joseph Mbilinyi ‘Sugu’ anadaiwa kutoa maneno yenye kuleta chuki baina ya wananchi na serikali katika mkutano walioufanya December 30 mwaka jana.